قصة عجيبة أقرب للخيال

السلام عليكم ورحمة الله وبركاته

بسم الله الرحمن الرحيم
قصة عجيبة أقرب للخيال

كان فيه سعودي وكويتي زملاء ويدرسون في بريطانيا
وبعد انتهاء فترة الدراسة قرروا يرجعون لأهلهم
فقال الكويتي للسعودي :
قبل ماتروح للسعودية تعال معي للكويت وبعدها رح
وافق السعودي على هذا
وهم في الطيارة رايحين للكويت اتصل اخو الكويتي من الكويت على الجوال وقال لاخوه إن جدتي توفت فقال الكويتي لاخوه أنا معي زميلي من السعودية وعازمه فلا تقولون
له شي حتى ما يضيق صدره ولا أحرجه نصلي على الجنازة وكنها لأحد من جماعتنا
لما وصلوا وصلَوا على الجنازة
وقعد السعودي له مدة في الكويت أعجب ببنت جيران الكويتي وقال لزميله اني ودي أتزوجها
فرح الكويتي وقال أنا مستعد أخطبها لك وفعلا خطبها له وخبر السعودي أهله
وسوو الزواج ورجع السعودي لديرته وبعد مدة طويلة كبرت تجارة السعودي وطلع تاجر وغني أما الكويتي فخسر كل أمواله وتجارته فقال مالي الا أروح لصديقي السعودي
اكيد بيساعدني
وفعلا راح للسعوديه وهو منتظر شوفة زميله بفارغ الصبر لما سال عنه ووصل لبيته
صار مو بيت صار ساكن في قصر
وكان الوقت متأخر فقال للبواب قل لراعي البيت ان زميلك من الكويتفلان بن فلان عند البابوانه محتاجك مرة مرة وان حالته كذا وكذا
وبعد مارجع البواب عطى الكويتي فضلة عشى السعودي تخيلوا فضاق صدر الكويتي
وقال هذا جزاء الصداقه المهم وهو راجع برجليه في الطريق لقى رجالين (من رجال الاعمال) يتراهنون على مليون
اللي بيجيهم الأول بيعطونه المليون وكان من حظ الكويتي انه هو اللي جاهم الاول واخذ المليون وتاجر بها في السعوديه
وقبل ما يرجع للكويت لقى عجوز معاها بنت وقالتله العجوز ابي اخلي البنت عندك واروح احج إذا مارجعت تزوجها وخلها عند أهله ولما طولت العجوز
عقب الحج اتزوجها وسوا حفله الزواج بالكويت وفي أثناء الزواج وكان من ضمن المدعوين زميله السعودي
لما شافه الكويتي غضب وقال للحضور اطردوا هذا خاين العشرة والصداقة تخيلوا انه لما جا معي للكويت وكانت جدتي ميته ما علمته عشان مايضيق صدره على وخطبت له بنت الجيران اللي كانت في الأساس خطيبتي وفضلته على نفسي
ولما جيته محتاج عطاني فضله عشاااااااااااه !!
تدرون وش قال السعودي....؟؟؟؟؟؟
قال اسمعوا واحكموا علي
أنا يوم جاني الكويتي وهو محتاج ما حبيت أشوفه على حالته هذي عقب ماكان تاجر وكبير أشوفه صغير ومحتاج واتفضل عليه بشي من عندي عشان كذا أعطيته فضلة عشاي !!
وبالنسبة للتاجرين اللي متراهنين على مليون هذولي إخواني أنا مروحهم له
عشان يفكون ضيقته .. اما با النسبه للعجوز اللي معاها البنت فهاذي أمي والبنت هذي طبعا أختيوش رايك ما احضر زواج اختي؟؟